चिगुळेच्या ३५ जणांना महिनाभरानंतर जामिन

समांतर क्रांती वृत्त

खानापूर: जमिनीच्या वादातून चिगुळे येथे झालेल्या हाणामारीच्या प्रकरणात ३५ जणांना जिल्हा आणि सत्र न्यायालयाने सशर्त जामिन मंजूर केला आहे. माउली मंदिर आणि देवस्थानाची जमिन यावरून गेल्या अनेक वर्षांपासून वाद सुरू आहे. दि. ५ जूनरोजी त्याचे पर्यावसान मारामारीत झाले होते. मुख्य संशयीत चौगुले याच्यासह अन्य ३४ जणांनी घरावर हल्ला करून मारहाण केल्याची फिर्याद रोशना चौगुले यांनी खानापूर पोलिसांत दिली होती. या प्रकरणातील ५ जणांना पोलीसांनी अटक केली होती. तर अन्य ३० जण फरारी होते. यातील पाच जणांना नियमीत तर ३० जणांना अटकपूर्व जामिन मंजूर करण्यात आला आहे.