वाटरेजवळ अपघातात दोन तरुण गंभीर जखमी

खानापूर : खानापूर – लोंढा महामार्गावर वाटरेनजीक दुचाकी घसरून पडल्याने दोन तरुण गंभीर जखमी झाल्याची घटना पाचच्या सुमारास घडली. आकाश अरुण गवाळकर (22) व शिवराज विनोद जाधव (20, दोघेही राहणार मुंडवाड) हे या जखमीना खानापूर शासकीय रुग्णालयात दाखल करण्यात आले आहे. यातील आकाश याची प्रकृती चिंताजनक आहे. आकाश व शिवराज हे खानापूरहून गावी मुंडवाडला निघाले असता त्यांची दुचाकी घसरून ते दुचाकीवरून रस्त्याच्या कडेला फेकले गेले. त्यात दोघांच्याही डोकीला जबर मार बसला आहे.