हिट अँड रन: खानापूरच्या चालकास फोंड्यात अटक

समांतर क्रांती / फोंडा

दुचकीस्वारांना ठोकरून पळ काढलेल्या खानापुरातील टेंपो चालकास आज मंगळवारी (ता. २१) फोंडा पोलिसांनी अटक केली. तसेच अपघातास कारणीभूत ठरलेला मालवाहतूक टेंपोदेखील ताब्यात घेण्यात आला होता. या अपघातात एकजन ठार झाला होता. तर अन्य एकजण जखमी झाला आहे.

गुरूवारी (ता.१६) राष्ट्रीय महामार्गावर दयानंदनगर-धारबांदोडा येथे सकाळी अज्ञात वाहनाने दुचाकीला धडक दिली होती. या अपघातात दुचाकी चालक महमदरफी हुसेनबाशा मोमीन (२८, भूमिकानगर-उसगाव, मूळचा कर्नाटक) याचा मृत्यू झाला होता. तर मागे बसलेला रोहित निकोलास कुजर (२०, भूमिकानगर,मूळ झारखंड) हा जखमी झाला आहे.

अज्ञात वाहनांने त्यांच्या दुचाकीला चुकीच्या दिशेने धडक दिल्याचे जखमीने दिलेल्या माहितीवरून स्पष्ट झाल्यानंतर गेल्या पाच दिवसांपासून वाहनाचा शोध जाती होता. दरम्यान, आज मंगळवारी फोंडा पोलिसांनी मारूती गावडा (५२, रा.खानापूर) यांना अटक केली असून अपघातास कारणीभूत टेंपोदेखील ताब्यात घेण्यात आला आला आहे. अधिक तपास सुरू आहे.