असोगा येथे अवैध वाळूसाठा जप्त

समांतर क्रांती वृत्त

खानापूर: मलप्रभा नदीतून वाळू उपसा होत असल्याच्या तक्रारी वाढल्या असतांनाच पोलिसांनी टाकलेल्या धाडीत असोगा येथील शिवारातील अवैध वाळूसाठा जप्त करण्यात आला. पोलीस निरीक्षक मंजुनाथ नाईक यांच्या नेतृत्वाखाली ही कारवाई करण्यात आली. गेल्या अनेक दिवसांपासून या परिसरात अवैध वाळू व्यवसाय सुरू होता. जिल्ह्यातील वाळू उपशावर ऑक्टोबरपर्यंत बंदी घालण्याचा आदेश जिल्हाधिकाऱ्यांनी बजावला असून त्याचाच भाग म्हणून आता पोलीस आणि महसूल खात्याने वाळू उपसा आणि अवैध साठ्यावर धाडी टाकण्याचे सत्र सुरू केले आहे. परिणामी, वाळू व्यावसायिकांची खळबळ उडाली आहे.