हृदयद्रावक दुर्घटना: बसला लागलेल्या आगीत २५ प्रवाशांचा होरपळून मृत्यू

An incident has taken place near Buldhana where 25 passengers died after the bus caught fire after an accident.

समांतर क्रांती वृत्त

बुलढाणा: महाराष्ट्रातील बुलढाण्याजवळ लग्नासाठी निघालेल्या बसला अपघातानंतर लागलेल्या आगीत २५ प्रवाशांचा होरपळून मृत्यू झाल्याची घटना घडली आहे. हा अपघात समृध्दी महामार्गावर रात्री १.३५ वाजण्याच्या सुमारास घडल्याचे सांगितले जात आहे, या बसमध्ये एकूण ३३ प्रवासी प्रवास करत होते. त्यातील २५ प्रवाशांचा मृत्यू झाला आहे. ही बस नागपूरहून पुण्याला जात असताना हा अपघात झाला.पावसामुळे चालकाला अंदाज न आल्याने बस रस्त्याशेजारील धडकली. त्यामुळे बस कलंडली आणि डिझेलचा टॅंक फुटल्याने बसला आग लागली. परिणामी, बसमधून कुणालाच बाहेर पडता न आल्याने एवढ्या मोठ्या प्रमाणात जीवितहानी झाल्याचे म्हटले जात आहे. जखमींना उपचारासाठी बुलढाणा सिव्हिल हॉस्पिटलमध्ये दाखल करण्यात आले आहे. बसमधून आठ प्रवाशांना सुखरूप बाहेर काढण्यात आल्याचं सांगण्यात येत आहे.