श्री भूतनाथ यात्रोत्सव मंगळवारपासून

समांतर क्राती / खानापूर

गणेबैलजवळील भूतनाथ यात्रेचा मान यंदा माळअंकले गावाला असून ही यात्रा मंगळवारपासून (ता.२४) सुरू होणार आहे. दुपारी १२ वाजता महापुजेने यात्रेला सुरूवात होईल. यावेळी भाविकांसाठी महाप्रसादाचे आयोजन करण्यात आले आहे. बुधवारी (ता.२५) यात्रेची सांगता होणार आहे.

गणेबैलजवळील भूतनाथ देवस्थानाच्या यात्रोत्सवाचा मान माळ अंकले आणि झाड अंकले या गावांना असतो. यंदा हा मान माळअंकले गावाला आहे. यात्रोत्सव काळात विविध धार्किक आणि सांस्कृतिक कार्यक्रमांचे आयोजन करण्यात आले आहे. ग्रामस्थ आणि श्री भूतनाथ मंदिर व्यवस्थापन मंडळाच्यावतीने यात्रोत्सवाचे आयोजन करण्यात आले असून भाविकांनी लाभ घेण्याचे आवाहन करण्यात आले आहे.

विशेष आकर्षण

माळ अंकले आणि झाड अंकले या गावांत दरवर्षी यात्रोत्सवानिमित्त नाटकांचे आयोजन करण्यात येते. या दोन्ही गावांची नाट्यपरंपरा जिवंत ठेवली असून यंदाही नाटकाचे आयोजन करण्यात आले आहे. बुधवारी रात्री १० वाजता ‘शपथ तुला मंगळसुत्राची’ (अर्थात कुंकवाचा वैरी) हा नाट्यप्रयोग होणार आहे.