नंदगड: बसची दुचाकीला धडक बसून झालेल्या अपघातात दुचाकीवरील चार जण जखमी झाल्याची घटना दीडच्या सुमारास बिडीजवळ घडली. यामध्ये कर्तनबागेवाडी येथील भिमाप्पा व्हन्नुर, यल्लप्पा व्हन्नुर, पल्लवी व्हन्नुर, ऐश्वर्या व्हन्नुर हे जखमी झाले असून यातील दोघांची स्थिती चिंताजनक आहे. व्हन्नुर कुटुंबीय बिडीहून कर्तन बागेवाडीला जात असताना गोल्लीहळीजवळच्या वळणावर हल्याळहुन खानापूरकडे येणाऱ्या परिवहन मंडळाच्या बसने दुचाकीला जोरदार धडक दिली.ही धडक इतकी भयानक होती, की त्यात दुचाकीवरील तिघांचे पाय निकामी झाले आहेत. दोघांची प्रकृती अत्यंत चिंताजनक असून त्यांना अधिक उपचारासाठी बेळगावला हलविण्यात आले आहे. नंदगड पोलिसात घटनेची नोंद झाली आहे.
खानापूरजवळही घडला होता भीषण रेल्वे अपघात; आठवणी झाल्या ताज्या
समांतर क्रांती / चेतन लक्केबैलकरओडिसात झालेल्या रेल्वे अपघातात जवळपास २०० हून अधिक प्रवाशांचा मृत्यू तर ९०० हून अधिकजण जखमी झाल्याची घटना घडली आहे. या घटनेबद्दल देशभरात हळहळ व्यक्त होत आहे. देशातील हा सर्वात मोठा आणि भयानक रेल्वे अपघात समजला जात असून या घटनेच्या पार्श्वभूमीवर खानापूरजवळ झालेल्या रेल्वे अपघाताची आठवण ताजी झाली आहे. १९८० साली झालेल्या […]