रुमेवाडी क्रॉसजवळ कार पलटी

समांतर क्रांती / खानापूर

खानापूरहून करंबळकडे जाणारी कार पलटी झाल्याने चालकासह दोघे जखमी झाल्याची घटना घडली.चालकाच्या अतिघाईमुळे हा अपघात घडल्याचे समजते. केवळ सुदैवाने या
अपघातात मोठी हानी टळली.

या अपघातात चालक लोकेश तुकाराम भेकणे याची उजवी मांडी कापली आहे, तर प्रवासी राम नागेंद्र चोपडे हा किरकोळ जखमी झाला आहे. दोघांवर खानापूर प्राथमिक आरोग्य केंद्रात प्रथमोपचार केल्यानंतर पुढील उपचारासाठी बेळगावला हलविण्यात आले आहे.

चालक लोकेश याच्या चुकीमुळे कार रस्त्याच्या कडेला पलटी झाल्याचे प्रत्यक्षदर्शींकडून समजते. कार अतिवेगाने चालविली जात होती. चालकाचे नियंत्रण सुटल्याने हा अपघात घडला. पोलीसांना घटनेची माहिती मिळताच पोलीसांनी घटनास्थळी भेट देऊन पाहणी केली. उशिरापर्यंत घटनेची पोलीसात नोंद झाली नव्हती.