गुन्हे प्रतिबंध मासानिमित्त खानापूरात जनजागृती

समांतर क्रांती / खानापूर
गुन्हे प्रतिबंध मासानिमित्त बुधवारपासून (ता.11) खानापूर शहरात पोलीस खात्याच्यावतीने जनजागृती करण्यात येत आहे.
अलीकडे शहर आणि ग्रामीण भागातदेखील गुन्हेगारीत वाढ झाली आहे. घरफोड्या, महिलांच्या दागिन्यांची चोरी, बसमध्ये लुबाडणूक असे प्रकार वाढत असून नागरिकांनी सतर्क राहणे आवश्यक आहे, असे मत यावेळी पोलीस निरीक्षक मंजुनाथ नाईक यांनी व्यक्त केले.
कुणीही अडचणीत असल्यास तात्काळ मदतीसाठी पोलीस तत्पर आहेत. नागरिकांनी 112 या क्रमांकावर कॉल करावा, असे आवाहन उपनिरीक्षक एम. बी. बिरादार यांनी केले.
यावेळी गुन्हे अन्वेषण विभागाचे उपनिरीक्षक चन्नबसव बबली यांच्यासह कर्मचारी जगदीश काद्रोळी, बी. जी. एलीगार, शेषप्पा खामेकारी आदी उपस्थित होते.