मराठा मंडळ ‘ताराराणी’च्या विद्यार्थीनींचा सत्कार

समांतर क्रांती / खानापूर

मराठा मंडळ संचलीत ताराराणी पदवीपूर्व महाविद्यालयाच्या विद्यार्थीनींची भारतीय सैन्यदलात निवड झाल्याबद्दल त्यांचा सत्कार करण्यात आला. येथील विद्यार्थिनींनी अनेक आव्हानात्मक संकटाचा सामना करीत, आपल्या ज्ञानाचे व शारिरीक क्षमतेचा कस लावत भारतीय सैन्यात मानाचे स्थान मिळविले आहे. हे यश संपादन करण्यासाठी कठोर मेहनत व सराव यांची सांगड घालत कुमारी स्वाती पाटील, कुमारी पूनम गुरव व श्रुती पाटील या विद्यार्थिनी कर्तव्य शिध्दिस पात्र ठरल्या आहेत. यांची नियुक्ती सीआयएसएफ या महत्त्वाच्या दलात झाली असून जानेवारी महिन्याच्या पहिल्या आठवड्यात त्या देश सेवेत रुजू होणार आहेत.

कॉलेजचे प्राचार्य अरविंद पाटील यांनी विद्यार्थीनींचा सत्कार केल्यानंतर आपल्या मनोगतात, आमच्या कॉलेजमधील विद्यार्थिनींच्या सर्वांगीण विकासावर भर दिला जातो. मंडळच्या अध्यक्षा डॉ. राजश्री नागराजू यांनी संस्थेतील विद्यार्थ्यांच्या कला, क्रीडा गुणांवर विशेष लक्ष देण्याचा सल्ला समस्त शिक्षकवृंदाला दिला आहे. शेतकरी आणि जवान यांच्याप्रती आदर भावना कायम ठेवण्यास विद्यार्थ्यांना प्रोत्साहीत केले आहे. म्हणूनच आज येथील विद्यार्थिनी व शिक्षक एकमेकांना भेटताना जय हिंद म्हणत मानवंदना देतात.

आज देशात मोठ्या प्रमाणात बेरोजगारी असताना, नोकरी मिळणं त्यातल्या त्यात सैन्यात भरती होणे ही सोपी गोष्ट नाही. पण मराठा मंडळ संचालित ताराराणी पदवीपूर्व महाविद्यालयातील विद्यार्थीनींनी यश मेहनत घेऊन यश संपादन केले आहे. त्यानिमित्त विशेष कार्यक्रमाचे आयोजन करून या विद्यार्थिनींचे कॉलेजचे प्राचार्य श्री अरविंद पाटील यांच्या हस्ते पुष्पहार अर्पन करून अभिनंदन करण्यात आले. सदर यशस्वी विद्यार्थिनींना मंडळाच्या अध्यक्षा डॉ. राजश्री नागराजू यांनी शुभेच्छा दिल्या.  संचालक शिवाजीराव पाटील, परशराम अण्णा गुरव यांनीही कौतुक केले.

याप्रसंगी कॉलेजचे ज्येष्ठ प्राध्यापक एन. ए. पाटील, टी. आर. जाधव, श्रीमती एस. सी. कणबरकर, एम. वाय. देसाई, जे. एफ. शिवटणकर, पी. व्ही. कार्लेकर, आर. व्ही. मरीतमन्नावर, ऋतुजा पाटील, आरती नाईक, दिपाली निडगलकर, सरोजा खांबले व कर्मचारी जोतिबा घाडी, चित्रा अर्जुनवाडकर यांच्यासह विद्यार्थीनी उपस्थित होत्या.