लोखंडी रॉड पडून जखमी झालेल्या कामगाराचा मृत्यू

खानापूरात गुरूवारी घडली होती घटना

समांतर क्रांती / खानापूर

Worker injured by falling iron rod dies येथील बहार गल्लीत घराच्या दुरूस्तीचे काम सुरू असतांना डोकीत लोखंडी रॉड पडल्याने जखमी झालेल्या कामगाराचा आज शुक्रवारी (ता.०३) उपचारादरम्यान मृत्यू झाला. नाना चापगावकर (वय ५४, रा. केंचापूर गल्ली-खानापूर) असे मयताचे नाव असून त्यांच्या पश्चात पत्नी, दोन मुलगे आणि मुलगी असा परिवार आहे.

याबाबत समजलेली अधिक माहिती अशी, काल गुरुवारी (ता.२) येथील बहार गल्लीत नंदगडी यांच्या घराच्या दुरूस्तीचे काम सुरू होते. यावेळी जेसीबीच्या सहाय्याने लोखंडी रॉड हटविला जात असतांना तो नाना यांच्या डोकीवर कोसळला. त्यात ते गंभीर जखमी झाले. त्यांना तात्काळ बेळगाव येथील रुग्णालयात दाखल करण्यात आले. उपचार सुरू असतांना आज शुक्रवारी त्यांचा मृत्यू झाला. या घटनेची नोंद खानापूर पोलिसात झाली असून अधिक तपास सुरू आहे.